ചൈനയിലെ ഒരു നടൻ ടൂറിറ്റ് സ്പോട്ടുകളിൽ ഭിക്ഷ യാചിച്ച് ഒരുമാസം ഉണ്ടാക്കുന്നത് എട്ടുലക്ഷം രൂപ. കഴിഞ്ഞ 12 വർഷങ്ങളായി ലു ജിങ്കാങ് എന്ന പ്രൊഫഷണൽ ചൈനീസ് നടൻ ഈ തിരക്കേറിയ ടൂറിസ്റ്റ് സ്പോട്ടിൽ ഭിക്ഷ യാചിച്ച് പണം സമ്പാദിക്കുകയാണത്രെ.
ജിങ്കാങ്ങിന്റെ മുഷിഞ്ഞ വസ്ത്രങ്ങളും രൂപവും കണ്ടാൽ അയാൾ ഏതോ ഒരു പാവം യാചകനാണ് എന്നേ ആർക്കും തോന്നൂ. പണവും ഭക്ഷണങ്ങളും പാനീയവും എല്ലാം ഇങ്ങനെ ആളുകളിൽ നിന്നും ഇയാൾക്ക് കിട്ടാറുണ്ട്. നല്ല നടനാണ് എന്നത് കൊണ്ടുതന്നെ എങ്ങനെ ഒരു യാചകനായി പാളിച്ചകളില്ലാതെ അഭിനയിക്കാം എന്നും അതിലൂടെ ഒരു നല്ല തുക തന്നെ നേടിയെടുക്കാം എന്നും ജിങ്കാങ്ങിന് നല്ല ബോധ്യമുണ്ട്. ചൈനയിലെ ഹെനാൻ പ്രവിശ്യയിലെ ക്വിംഗ്മിംഗ് ഷാങ്ഹെ ഗാർഡനിലാണ് സാധാരണയായി ഇയാള്‍ യാചിക്കുന്നത്.
