തൃശൂര്: മുന്നറിയിപ്പില്ലാതെയുള്ള സ്വകാര്യ ബസ് മിന്നല് പണിമുടക്ക് ജനങ്ങളെ വലച്ചു. സമയക്രമത്തെ ചൊല്ലിയുള്ള തര്ക്കത്തെ തുടര്ന്നായിരുന്നു കൊടുങ്ങല്ലൂര് – തൃശൂര് റൂട്ടില് സ്വകാര്യ ബസ് തൊഴിലാളികളുടെ മിന്നല് പണിമുടക്ക്. ഇന്നലെ രാവിലെ എട്ടിന് തുടങ്ങിയ പണിമുടക്ക് ജോലിക്ക് പോകുന്നവരേയും വിദ്യാര്ഥികളേയും വലച്ചു. പരീക്ഷകള് നടക്കുന്ന സമയമായതിനാല് വിദ്യാര്ഥികളില് പലരും ഇരുചക്ര വാഹനങ്ങളില് കയറിയും ഓട്ടോറിക്ഷകളിലുമാണ് സ്കൂളുകളിലെത്തിയത്.
