പേരില് കൗതുകമൊളിപ്പിച്ചിരിക്കുകയാണ് സോമന്റെ കൃതാവ്. വിനയ് ഫോര്ട്ടാണ് സോമനായി എത്തുന്നത്. വിനയ് ഫോര്ട്ടിന്റെ കൃതാവും ചര്ച്ചയായിക്കഴിഞ്ഞു, ഇപ്പോള് സോമന്റെ കൃതാവിന്റെ പ്രമോഷൻ വീഡിയോയാണ് ചര്ച്ചയാകുന്നത്.എന്താണ് പേര് എന്ന് ചോദ്യം. ഞാൻ ഇന്ത്യ എന്ന് ഉത്തരം. സ്വന്തം പേരിന് രാജ്യത്തിന്റെ പേരാണോ പറയുക എന്ന് മറുചോദ്യം. എന്റെ പേരാണ് ഇന്ത്യ എന്ന് പറയുന്നു പെണ്കുട്ടി അധ്യാപകനോട്. ആ പെണ്കുട്ടി സോമന്റെ മകളാണ്. ക്രിസ്ത്യൻ, മുസ്ലിം, ഹിന്ദു സൂചനകളുമായി മകള്ക്ക് ‘ക്രിമുഹി’ എന്ന പേര് ആലോചിച്ചിരുന്നുവെന്ന് സോമന്റെ ഭാര്യ വ്യക്തമാക്കുന്നു. പിന്നീട് മതമേ വേണ്ടെന്നു തീരുമാനിച്ചുവെന്നും പറയുന്നു സോമൻ.
