മുംബൈ: നടിയും മോഡലുമായ ഉര്ഫി ജാവേദ് അറസ്റ്റിലായെന്ന് റിപ്പോര്ട്ട്. ഇത് സംബന്ധിച്ച് ഒരു വീഡിയോയാണ് സോഷ്യല് മീഡിയയില് വൈറലാകുന്നത്. പപ്പരാസിയായ വൈറല് ബയാനിയാണ് ഈ വീഡിയോ പുറത്തുവിട്ടിരിക്കുന്നത്. രാവിലെ ഒരു കോഫി ഷോപ്പില് എത്തിയ ഉര്ഫിയെ ഒരു സംഘം പൊലീസ് വിളിച്ച് പുറത്തുവരുത്തി കസ്റ്റഡിയില് എടുക്കുന്നതാണ് വീഡിയോയില് ഉള്ളത്.
വീഡിയോയില് വനിത പൊലീസ് അടങ്ങുന്ന സംഘം ഉര്ഫിയെ തങ്ങളോടൊപ്പം സ്റ്റേഷനിലേക്ക് വരാന് ആവശ്യപ്പെടുന്നത് കാണാം. ഉർഫി ഡെനിം പാന്റിനൊപ്പം ചെറിയ ചുവന്ന ടോപ്പുമാണ് വീഡിയോയില് ധരിച്ചിരിക്കുന്നത്. ഉര്ഫിയുടെ കൈകള് പിടിച്ചാണ് ഇവരെ പൊലീസ് വാഹനത്തില് കയറ്റിയത്. എന്തായാലും ഈ സംഭവത്തിന്റെ കൂടുതല് വിവരങ്ങള് ഇതുവരെ ലഭ്യമല്ല.
